Pagina:Cava in to remoin 1930.pdf/33

Da Wikivivàgna

se scadenn-a Satanasso.
Vegnan zû di fûmaiêu,
ve s'addescia ö battichêu.

Da ogni parte a v'assalisce
ve maschezza, ve inorbisce,
ve scigôa drento de oëge,
ve solleva comme nëge,
v'intra sotta, a taggia o sciôu...
Ah, che vento maedûcôu!

Se a l'incontra de scignôe,
pä a se treppe, a se demôe,
in to tiaghe sciû e röbette,
seggian vëge o zovenette.
A-e descrêuve finn-a a-a schenn-a,
a-e scarpenta, a-e despëtenn-a;
a no-e lascia camminâ,
da-o despëto a-e fa sbuttâ,
specie se, pe mala sorte,
han de gambe magre o storte.
Che bellessa andâ pe Sann-a
quando o sciûscia a Tramontann-a!
Feûa de ciongio se camminn-a,
spalle avanti, a testa chinn-a,
e ve tucca puntâ i pê
se no voei andâ inderê.
Ronsa, ronsa, Gioaninetto,