Pagina:Cava in to remoin 1930.pdf/24

Da Wikivivàgna
*    *

Colombo, a neigra invidïa
beive l'arfê t'ha faeto;[1]
chi te doveiva ûn möndo
ûnn-a prexön t'ha daeto.
E tûtto a têu grand'anima
l'ha söpportôu segûa
ûmile in mezzo a-a gloria,
sdegnosa in ta sventûa;
ma a no restiae insenscibile
a-i storici tormenti
che te vêuan dâ di estranî
pe proscimi parenti.
Ah, no! Ombra grandiscima
no ingigantisce i nani,
e queste «dotte diatribe»
no son che sêunni vani
de mente che farnetican
da-i raggi da têu gloria,
avèi l'orgoglio e a luxe
che a no g'ha daeto a Storia.

   *
*    *

Dorme, Colombo, e lascïeli

  1. Arfê: fiele.