Pagina:Cava in to remoin 1930.pdf/23

Da Wikivivàgna
Sata a-a navegassion Sata a-a serchia


döve t'ae presto impreizo
a guadagnate ö pan.
T'ae rigordôu e libere
scappadde a Prïamâ,
ciamôu da-a grande vöxe
do nostro bello mâ,
che co-e maestose fûrie
e con i carmi incauti,
o te förgiava l'anima
d'âsä che a-i naviganti
doveiva ö çercio magico
rompî cö Grande Evento
e consegnâ i mâ liberi
a-o libero ardimento.
E e taere che emergeïvan
davanti a-a prôa obbediente
a-a forza do têu genïo,
ti segnalavi a-a gente
co-i nömmi a Tî caiscimi
dö pôae, dö Sarvatô,
che insemme a sta Saona,
ti amavi in chêu d'amô;
comme a ciamâ partecipi
da teu immensa gloria,
che a-o mondo intrego arviva
Nêuva e Civile Storia.