 |
Questa pagina a no l'è stæta corretta. | |
Sciâ se fasse dö chêu, sciâ l'é ancon zôena,
ben missa e fresca, sciâ se consolià...
D'altronde, cose fâ, cäa sciâ Manena,...
i morti no se pêuan resûscitâ.
Sciâ ghe voreiva ben, povôu Tomaxo,
e sciâ l'aviä segûo sempre in to chêu;
ma, diggo, sciâ sà ben, de votte ö cäxo
o ne fa fâ de cose a moddo sêu...
Sciâ se divaghe, signoa... e doppo tûtto...
– N'é vëo che staggo ben, vestia da lûtto?!
A MÔAE SEVERA
Mae figgia Rösinin l'ha dixêutt'anni,
ma a filla drita ben, ve o diggo mi;
g'ho 'na manea, comâ, de batte i panni
che a no s'azzarda quaexi de moscî.[1]
G'ho faeto ben capî: No vêuggio inganni,
ammia de no fermate a discorrî:
se poi te veddo ancon cö sciô Giovanni,
te saero in casa e te ghe fasso moî.
Dûe settemann-e fâ, ûn caporale
o l'é vegnûo a domanda a faghe in câ;
g'ho daeto ö mae consenso e, natûrale,
- ↑ Moscî: rifiutare.
