 |
Questa pagina a no l'è stæta corretta. | |
– Cose veddo, Pedrin; ti porti lûtto?
– M'é morta a mae Rosin ûn meize fâ!...
sei giörni de môutia, sei giörni in tûtto...
– L'é crûa davveî, Pedrin; no te despiâ!...
– T'ae ûn bello dî; ma no sò däme aggiûtto...
pe mî no gh'é ciû ninte chi me fà...
Ghe vôeivo ben!...
– O so ma doppotûtto
cö cianze no se riesce a remeddiâ!
Fatte coraggio! Ciao...
– Dôve ti vae?
– Vaddo a ciamâ ö Beppin da Campanassa.Ti vêu vegnî con noî a-a varietae?
Che gambe!...
– Ma te pâ!?...
– Ghe n'é ûnn-a grassa
che a fà vegnî l'aeguetta in mae veitae...– Vaddo a piggiâ ö paltò; spetaeme in ciassa!...
E BESTIE HAN SOLO L'ISTINTO?
Dixan che e bestie n'aggian che l'istinto
e agiscian senza däsene raxon:
ma mî no son però gran ché convinto
e ne vorrievo quarche spiegazion.
