Vëgia Savonn-a,
meza sparïa,
ogni têu prïa
m'é cheita chí,
proprio chí drento
dove i castelli
di giorni belli
derrûan con tî!
A-a PUNTA DA MAINETTA
I.
A l'artessa da Mainetta
in atteisa de sarpâ,
voî trövae là da-a Scaletta
in to gosso a dormiggiâ
sott'a-a lobbia ö barcaiêu[1]
pronto e remme a cacciâ in mâ –
moddi sgrûzzi, ma bon chêu –[2]
pe portave a barchezzâ.
- ↑ Lobbia: tenda posta a poppa a riparo del sole.
- ↑ Sgrûzzi: rustici.
