Pagina:Cansonetta do scio Reginna 1832.djvu/8

Da Wikivivàgna
Sata a-a navegassion Sata a-a serchia


Cappe gianche fin-ne assæ,
Tabarrin de velûo möu,
Recammæ a bezeffe in öu,
Fêua de fiaccole pe-a man,
Eûtto torcie ä Croxe g'han:
Per fâ cæo coscì se fà,
Gran conçerto, ghe son vinti
Filarmonici distinti
Che ghe a cioccan comme và.

Ven apprêuvo a Compagnia
Da Salute intitulâ:
Bella Croxe, a pä un-na muïa!
Ve ghe poeì drento spegiâ;
Osservæ che belli Canti,
Son d'argento, strappicanti,
Cappe gianche tutti i Fræ,
Ut supra abbatistæ,
Con Tabâro de velûo
A trei peì rosso buffûo,
Quattro torcie stramesuæ;
De Conçerto no sentieì:
Se da-i Chêughi se zazun-na,