Pagina:Cansonetta do scio Reginna 1832.djvu/4

Da Wikivivàgna
Sata a-a navegassion Sata a-a serchia


No se pêu passâ da Prê,
L'è zà in moto i Canonê:
Quanto sciato l'è per Zena!
Che allegrìa! Scialla Manena!
Finalemente a carestìa
De Cazasse a l'è finìa!
Cazassanti deliranti,
Sciortî tutti, fæve avanti,
De conçerti impîve a panza,
Viva sempre l'abbondanza!

Se no sciorte ciù e Foxin-ne,
Se no sciorte ciù e Marin-ne,
Gh'è San Giacomo de Prê
Chi ten fêugo vivo Lê,
E o ne leva a tutti a coæ.
Destrighæve, Cattainin,
Imbrillæve, e cose fæ?
No sentî zà o ramaddan
Da catubba dä lontan?
Spunta e barbe, i berettoin
E di corni da ogni banda:
Oh che belle scinfonie,