Pagina:Canson de arti e mestié.djvu/13

Da Wikivivàgna
Sata a-a navegassion Sata a-a serchia


49
Se da i fraveghi andè
ghe virrei dre cose belle
dre forzinne, dri cuggiè
dre collanne, e dri annelle
sottocoppe, e tabacchiere
e dri stecchi belli ancon
flon flon che son d'argento
flon flon e d'oro bon

50
Ghe son puoè i corrallè
che vendan corralli fin
dri brazzalli, e dre gorere
dre magnette, e dri pendin
ghe n'han dri gianchi, e dri mori
e d'ogn'atra condition
flon flon mariev' vo' belle
flon flon mariev' vo' don

51
I pattè gh'han panni fin
con dro dimmito, e dro scotto
cristallinna, e buatin
dro Cadis, dro ciammelletto
dra saia, dra chinetta
sangalletto, e crespon
flon flon dra calamandra
flon flon dra felpa ancon

52
Se vorrei accattà damasco
in Scuaria ve n'andè
gh'an de stofe, e calamacco
dri Tabi, e dri taffettè
dro raso, dro velluo
dra moella, e morelon
flon flon mariev' vo' belle
flon flon mariev' vo' don