 |
Questa pagina a no l'è stæta corretta. | |
15
De voxi indistinte...
Un lento respîo...
Poi zitto... ciû ninte...
L’è tûtto finîo...
O spëgite in questa
Tragedia fûnesta,
Amante — incostante
Tiranna di chœu!
16
Profonda, silente
A nœutte a se passa;
Zà l’alba nascente
Dai veddri a trapassa....
E co-e brasse averte
Lì, pallido, inerte,
Co-a calma — da salma,
L[']ê o povëo figgiœu!
17
Ma a sæiva ûnn-a vescia
Da mæ fantaxia?
O morto o se mescia...
O l’anscia, o respîa...
Co-i œuggi riaverti
Immobili... inçerti,
O vedde — e o no credde
Che morto o non è.
