 |
Questa pagina a no l'è stæta corretta. | |
6
E o côre in t’ûn bosco
Con l’arma fatale,
O çerca o ciû fosco
Pe-o scopo fatale,
E a-o triste reciocco
Do crîo dell’allocco,
In bocca — o l’imbrocca...
Ma o colpo o no va!
7
Se sparo, me sciorte,
Me schitta a çervella,
Çerchemmo ûnn-a morte
Ciû blanda, ciù bella,
Che a salve e mæ forme,
Che a seggie conforme
A-o fæto — chi é stæto
Origine a-o mâ!
8
Scegliemose quella
Da lenta asfissia;
Pe-a morte ciû bella
L'ho sempre sentîa,
Se piggia ûn tanon
C'ûn pö de carbon,
E senza — violenza
Se lascia scûggiâ!
