Pagina:Bacigalô.Prose.rimæ.1891.pdf/163

Da Wikivivàgna

15
E co-i œuggi in sce a pistolla
Mëzo morto da-o spavento,
L'Israelita o giascia, o colla
O fatale documento,
E no basta, o deve zûâ
D’ammiâ ben de no parlâ;
Doppo questo, o l[’]è lasciôu
Liberiscimo de lë
E lë o core a perdisciôu
Senza giâse ciû inderë.

16
N'ëa passâ ûnn-a settimann-a
Da sto fæto originale
Quando ä porta, perdiesann-a
O se vedde l'uffiziale...
« Comme? chi vosciâ? davvei? »
« Son vegnûo chi pe savei
In che moddo t[']e riuscîo
De no fâ ûn indigestion,
Doppo aveite digerîo
Quello pö de colazion? »

17
« Ma Segnô! » — « No sta in sce braxe
No creppâ dall'anscietæ,
Vegni chì, che femmo paxe
Mi te porto i to dinæ;
Chì gh[']e o debito integrale