 |
Questa pagina a no l'è stæta corretta. | |
Pe ûnn-a somma nominale,
Che ridûta in effettivo
A da ûn çento de fiorin,
Ciû ûn biroccio, ûn lavativo,
Çento gaggie e ûn ottavin.
3
Proprio a-o giorno da scadenza;
Se presenta all'ûffiziale
Co-a ciû timida apparenza,
L’israelita co-a cambiale:
« Sciâ me scûse sciô Tenente,
Se pâo forse diffidente,
No vorriæ che sciä credesse
Che aggie puia, pe i mæ dinæ,
Comme forse no savesse
Che sciâ è ûn tipo d'onestæ,
4
» Ma o dinâ o lê coscì raro
Ghe vêu tanto a guadagnalo,
Che besœugna che tîe o caro
Che m'ammazze a risparmialo
A tardanza d'ûn minûto,
A me costa ûn bello frûto,
E comme ommo de coscienza,
Son segûo, sciâ me scusiâ,
Se profitto da scadenza
Pe vegnîlo a disturbâ...
