 |
Questa pagina a no l'è stæta corretta. | |
IV.
A. Comm'a l'è, meistro Michê,
Pe-i esequie do sciô B.
Coscì allegra quella Messa?
B. No me paiva conveniente
Distûrbâ con de lamente
Dell'erede a contentessa.
V.
Son stæto a vixitâ c'un Architetto
L'Ammassatojo a-o Prinçipe: O l'è bello!
D'un disegno finïo, meno un difetto
Che antevisto non han, e o saeiva quello,
Che a Zena e co-e gren bestie d'ammassâ,
Dexe votte ciù grande o l'ëa da fâ.
VI.
Vedendo so moggê chi se storçeiva
Da-i doî de parto, Bertomê o cianzeiva;
Ma Tëxinin ghe disse: Ah no cianzeì!
Voî colpa no ghe n'eì.
