 |
Questa pagina a no l'è stæta corretta. | |
2
L'è bella a Stæ, che in belle
Spighe nascendo o gran,
Sciallandose, e verzelle
Prepara zà o villan;
Vedde o pastô contento
Moltiplicâ l'armento,
I campi, i boschi, i bricchi,
Tûtti de frûta en ricchi,
E l'è ûnn-a vëa cöcagna
L'ëse de Stæ in campagna;
3
L'è bello finalmente
L'Autunno - nêuvamente
Ne-o pröu cresce l'erbetta,
Ghe treppa o bæ, a pegoetta,
Spuntan funzetti a sciammi,
L'erboo denêuvo o scioisce,
Ceigan de frûta i rammi,
A vigna a l'appartoisce,
Se trinca do bon vin
A-i Morti e a San Martin;
4
Ma ünn-a stagion ciù bella,
Ciù allegra comme quella
Diletta dall'Eterno,
Santa stagion d'Inverno,
