 |
Questa pagina a no l'è stæta corretta. | |
12
Ma o to trionfo finalmente,
Brûtto Chollera abborrïo,
O l'è lesto - in faccia ä gente
O so brûgo ha rotto Dio;
Tanto sciato in t'un momento
O s'è sperso comme o scento.
13
Dunque addio... vanni a-o marviaggio
Mille miggia e ciù lontan;
Segge a nave de bersaggio
Chi te porta all'ûragan,
Posse infin tra schêuggio e schêuggio
Rotta arvîse e passâ p'êuggio;
14
Vanni, addio... non ciù dappresso
A bandëa s'alze da morte,
Non ciù un pallido çipresso
Segge insegna a-e nostre Porte,
Ma pertûtto in generale
D'allegria spunte o segnale.
15
Scialla! dunque se battagge
E campann-e d'allegria,
Spare a bomba, e che se sbragge:
O Cholëra è andæto via!
Che se cöre tûtti a reo
A cantâ in Gexa o Teddeo.
