Pagina:A critica do carlevâ.djvu/4

Da Wikivivàgna


Per exempio, chi n’hà un c...no
Come mì, che son despeôu,
Gh’abbeséugna däse attorno
Pe no stäsene retioû.60

So se spende mezo scüo
Co l’hà guagno in ta giornâ,
Ah! doman sentiemo un lüo,
E o sentiemo giastemmâ.64

Ma a sto moddo, amixi cai
No a porriemo a lungo duâ;
Tutti faemo di lunaj
Pe no saise[1] onde vortâ.68

Scicché dunque restrinzemmo
L’argomento ch’hò pe e möen;
E d’accordio se mettemmo
Pe fâ quello che conven.72

A sto mondo gh’eû giudizio
Pe no perde e scarpe in pè
Pe n’arvise o preçipizio
Sotto i êuggi, e andà inderrè.76

M’intendeî fradelli, artisti,
Gente dæta ai zeughi ai spazj?
Se de strasse seî provvisti
D’ogni vizio mai seî sazj.80

Fassan dunque o Carlevâ
Tutti i ricchi a so piaxeî,
Ma a voî atri in mæ davveî
Ve tornià lascialo andâ.84

Aoa parlo co-e Scignoe
E ghe fasso un bell’invîo,
Pâ che burle, e che demoe,
Ma sentieî cos’hò imbrunïo.88

  1. beliscima forma contræta de saveise (G. Musso)