 |
Questa pagina a no l'è stæta corretta. | |
111
E conoscendo ben, che ne-i ripari
E nei rimedii, quando ô mâ ô l’è serio,
Comme a-i ripieghi ne-i cattivi affari
Ghe vêu uña gran prontezza e ûn gran criterio,
A calmâ a raggia de Guacanagari
Pe l’iniquo attentato d’adulterio,
Primma ô pensava, essendo ne-a so alleanza
In gran parte a so forza e a so speranza.
112
Scicchè quando in Aïti ô l’arrivava
Invece de dirìzzise a Isabella,
De quello gran cacico ô desbarcava
Rimpetto a rescidenza amena e bella;
La pù Alonzo pe sorte ô capitava
E con lê ne-a so stessa caravella
Giacomo a Yanez doppo ûn viægio tanto
Strano da êse materia a ûn nêuvo canto.
