Pagina:Cavallo Cittara 1665.djvu/271

Da Wikivivàgna

Da matti, per sert'homi abbalordij
Chi se fian d'Azenetti travestij;

E lascio a ri Marij,
Ch'han re Moggiè chi fan dro bell'humò
Un oerio d'Armorin, Manna per lò,

E Item de mattò
Lascio unna quinta essentia a ri Poeti,
Perche ragnan, com'Azeni indiscreti:

E perche miegio quieti
Restan dell'aro, me ghe lascio in pegno,
Un pò de Calamita tira legno.

E per dà d'intro segno
Lascio unna Pasta ancon straordinaria
A ri avari per fa Castielli in aria;

Lascio ancon unna varia
Quantitæ de fantastiche chimere
A quelli, chi predixan cose vere,

Compassando re Sfere
Lascio a chi intre pecchæ troppo se gloeria
Sisifo, Titio, e Tantalo in memo[e]ria,

E per fornì st'histo[e]ria
Lascio ancon ben tappoù, che ò no consume
Doi fiaschi grandissimi de fume

Un pe ri beccafume