Ms. Ricci 176/Sonetto - N'ho ciu de scioù si sbraggio, e me remescio
| ←torna a l'endexo | Poesie in lengua Zeneise de Sonetto |
Epitaffio dell'aze→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
N'ho ciù de scioù si sbraggio, e me remescio,
Tiro dri versci assé, e ragno forte,
Per vuôi con fá dell'aze, se per sorte
Intrá puoesse in Parnaso e comme rescio.
Con questo mé humó sò che v'increscio,
Sció Giurian, che dí, ti n'hé gran sciorte,
Che mi per fá dell'aze e te comporte?
Taxi, e dormi, che ti m'hé dro nescio.
Pu troppo dormo, e se ro vei m'assuoenno,
Ciarbotto, e non sò cose perchè o scappa
Ro servello, e stravannio in desbaratti.
Ma se passo ra riga, e se v'astruoenno
Deme ra tara, mentre chi gh'incappa
O goe dri privilegi ch'han ri matti.
Za vuôi ne vei ri atti,
E se a fá ben dell'aze o gh'oe mattô
Non serché un de mi chi sé meggió.