Ms. Ricci 176/A unna B. D. dita ra Barilotta

Da Wikivivàgna
Poesie in lengua Zeneise de Giurian Rosso
A unna B. D. dita ra Barilotta
Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo
[p. 42r modifica]
A unna B. D. dita ra Barilotta


O Barilotta pinna de moscoù,
Pinna de dose e de piccante pinna,
Haggi pieté demi che son asseccoù,
E lasciamete mette un po ra spinna,
E se ti m'hé per troppo gran bevoù,
Lasciame tascellate co a verrinna,
Che stopandoghe puoe con ro mé fuso,
Farò che non ghe puoere ro pertuso.

Senti tu Barilotta? Arvi ro tappo,
E cioevi dra to manna in tro mié cuoe,
Tegnime forte che se no te scappo,
Serto ti pensi má ri feti tuoe.
Ti daré dro to dose a quarche azappo,
Che forsi o te dirà ch'o non ne vuoé,
E sciorbendone puoé doe mezette,
Con ra testa a ra banda o se te mette.

Si me pa che te vegghe assé ascadá,
Ond'ho puoira che ti sati in axioù,
O che se no vegnissi desconsá
Da quarch'un atro ciù de mi asseccoù,
Fa quello che ti vuoe vuoeggio criá.

[p. 42v modifica]

Se ben dovesse perdeghe ro scioù,
Azò che posse ancora dí unna votta
Ho spinoroù ra bella Barilotta.