Ms. Ricci 176/A ra signora Maddalena Lomellinna - Information d'unna Mamma
←torna a l'endexo | Poesie in lengua Zeneise de A ra signora Maddalena Lomellinna - Information d'unna Mamma |
A ra mesima - Information per un atra mamma.→ |
Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
Information d'unna Mamma
Lustrissima patronna,
Sentime unna stizzinna,
Mi per divera fito,
Son steto sciù ra mamma, che m'hei dito.
Si veggo con Madonna Brigidinna,
Che se n'andemmo troppo a ra Carlonna,
Perchè in fin quella mamma n'è mincionna,
Che mentre a s'infenoggia
De voreise accordá
Per vegní à dá [da] tettá,
Trovemmo che ra panza ghe borboggia;
Onde, che se presumme,
Ch'a posse havei mangioù quarche bozzumme,
Perchè de quand'in quando in concrusion
A l'ha a banda senestra un duriggion.
Per questo con raxon
A davera per Mamma, e non me fio,
Perchè in somma se sa
Che senza domandane a sò mario,
Mi da ciù a manco in fin sò cos'a l'ha,
E ni manco ra mesima ro nega,
Donca è ben che serchemmo atra buttega.