Ms. Marston 56/De lo sermon de li angeri

Da Wikivivàgna
Manoscrito Marston 56, 1465
De lo sermon de li angeri
azonto maiuscole, pontezatua, tratin inte forme interrogative e diacrittichi (segondo a prononçia do XVIII sec. e e reggole do Prien do 1745; ecetto "ë" = æ, "ö" = œu);
lasciao a tirde in sciâ "n", in corscivo i atre ligatue, in apiçe e coreçioin posterioî; tra e parentexi quaddre e lettie da azonze, tra e tonde quelle da esponze;
[p. 68r modifica]
Chi se contèm lo sermon de li angeri

"Omnes sunt aministratores spritu in in ministerio misi proter nos qui ereditate capiunt salutem." Queste parolle sum parolle de messê san Poro le quae sum scripite in una soa pìstora a onô e a reverencia de messê san Michê archangero e de tuti li angeri, e vörem tanto dî queste parolle propoze tuti li angeri su spriti mandai a servixo de quelli chi averam la ereditae de vita eterna. Voi devei savei che l'omo reseive servixo da l'angero, in che stao ello se sea, in questo modo: noi trovamo trei stai de persone in questo modo, lo primê stao digamo che sum de li apostori peccatori, lo segnondo[sic] sum quelli chi sum pentij, lo terso stao e quello de [p. 68v modifica]è quello de li iusti e preffeti. Or lo primê stao si è reseive servixi da li angeri in trei modi.

Lo primê stao si è che elli monta fiâ non li lassam peccâ tanto quanto elli vörem peccâ, e de questo e' n'amo l'axenprio da Ballam chi andava a marixî lo pövo de Dee che lo angero ge fo incontra cum una spâ nua a li ögi e ge disse: "Chi ma ma Ballam per pensser insi föra de la via." E pöa o ge disse che o no faisse[sic] so che lì era comandao.

Lo segondo servixo che fan li angeri a li peccaoi si è che elli inpaiham li demonei, che e' non li punissem como elli sum degni per li lor peccai, e so dixe Saramon per Sprito Santo, "unde quâ vegentem retorem poxuit" so è a dî in piaschuna generaciom de gente si a misso retoî. E' sum li angeri. Ancho de so parlla san Beda "magna est dinitas animarum ut unam queque sum angello habet sue deputato custodit" so è a dî, grande è la dignitae de le anime che piaschuna a um angero deputao a la soa goardia.

Lo terso servixo che resevem la gente da li angeri si [è] che elli punissem alchuna fiâ per la possansa de Dee, e so per fâli cognosenti e per fâlli tornâ a penetencia, e de so e scripto in lo vero testamento in lo segnodo[sic] libro "fatum est autem in medio noctis precussit angellus one primo genitus in terra Egiti" so è a dî, che lo angero de Dee passà a meza nötte per tute le caze de Egito e ocixe lo primê figör de la caza, e questo fo asochè elli se convertissem a lo nostro Segnor Dee. E cossì lo nostro Segnô manda ogni jorno a lo peccao alchune infirmitae e tribulaciom, asochè li peccoi se convertissem a bem far. W persò dixe bem la divina scriptura "vixitacio tuta custodivit spritum meum" so è a dî, la toa vixitaciom si goardà lo mê sprito. Anchora messê san Poro dixe "fragelat Deus que recepit filium" so è a dî, che Dee bate quello che o vö reseive per figo, e de so e' n'amo exenplio de um santo paire che ogni ano avea una grande infirmitae e la portava con grande paciencia, e stagando um ano sensa aveilla ello se contrubava monto e disse: "E' temo che Dee non se m'age adementegao." E messê Ihu. Xe. ge mandà lo angero e consoràllo e si ge disse che ello andereiva tosto a li bem de vita eterna, e cossì fo.

Or lo segondo stao sum de quelli chi sum pentij de le lor peccai semegeivementi reseivem in trei modi servixi da li angeri.

Lo primê si è che elli li tragam da la segnoria de lo demonio, segondo che fè l'angero Raffè, chi ligà lo demonio in lo dezerto, asochè ello non noxesse a Tobia, ni a nissum atro.

E lo segondo servixo si è che elli li tram föra de la conpagnia de li rê, si como noi trovemo de Lot, si fo treitô de la citae de Sodoma, la quâ devea preffondâ per le lor peccai.

E lo terso servixo si è che elli li confortam a devei confessâ le lor peccai como fo faito a Cornello, a chi fo mandao lo angero a confortallo e in aitörio e fâ penetencia de le soe peccae.

Lo terso stao sum le persone juste e preffete, e questi anchora receivem servixi da li angeri in trei modi.

Lo promê è che elli sum confortai in l'oraciom com[sic] fo confortao Xe. in l'oraciom da l'angero la nöcte che ello fo preizo. E de so amo exenplio in la vita de li santi pairi de um santo paire chi era monto tentao de insî de föra de la cella, e stè per XI agni in questa tentaciom. A la fin ello ronpì la cella e insì de föra, e deprezente lo angero ge aparse, chi lo conffortà e fèllo retornâ in la cella e fè so penetencia e ze in una terra vita eterna, e de so e' se possemo conffortâ per monti exenpli.

Lo segondo servixio si è che elli ge revellam lo secreto de Dee, como fo revellao per l'angero a Zacaria la nativitë de messê san Zoane Batesto.

Lo terso servixo che reseivem li iusti e li preffeti da li angeri si è che elli sum quelli chi reprezentam le anime a lo nostro Segnor Dee, si como fo reprezentâ l'anima de Lazaro in lo cem de Abram. E segondo che dixe messê san Lucha, che messê san Michê si a trei privilegei sorve li atri angeri: lo promê si è che ello è confaronê, lo segondo è che ello è reprezentao de le anime a Dee, lo terso è che ello dè conbater contra antechriste, e monta fiâ e' l'a conbatuo per l'umana generaciom, e de so se conta de ello in la sainta maire Zexia.

"Sante Michail archangale deffende nos in prelio ut non periemur in termendo judicio veni in adiutorio populi Dei" so è a dî, messê san Michê archangelo deffendine con tuta la conpagnia celestiâ in tal guiza in questa vita, asochè noi prevegnimo a la eterna gloria de vita eterna amen.