Li con l'azilo straco e mèzo mòrto
(Rindirisòu da Meriggiare pallido e assorto)
| ←torna a-a lista di atri scriti | Li con l'azilo straco e mèzo mòrto de , traduto da Pier Giorgio Cavallini |
| Tìtolo originâle: Meriggiare pallido e assorto |
Li con l'azilo straco e mèzo mòrto (Meriggiare pallido e assorto)
Li con l'azilo straco e mèzo mòrto,
'rente aa müagia brüzente d'en òrto,
a sentie damèzo ae raze e ai bòchi
fis-ci de merli e dee bisse i s-ciòchi.
Ent'i foi do teren o sorve aa vessa
a miae i rissacüi ch'i se prepao
en fia, ün dòpo l'àotro, e i fan a rèssa
p'entrae dal'àoto drento ar formigao.
Miae damèzo ae frasche a lanpezae
daa lünte a bèi menissi enfina 'r mae
enmentre ch'i se sento a sgrizoae
dae coline sens'àrbei anca e sigae.
E caminando 'nt'o so ch'i barbagia
acapie con tristessa e maavigia
come tüta a vita l'è 'n travagio
che paa de scarpinae 'nte na müagia
che la gh'ha sorve vedri de botigia.