Lunaio Regiña 1892/Zena scûa e Zena ciæa
| ←Settembre | Lunaio zeneize compilao da-o sciô Regiña & C. pe l'anno 1892 de Rivista profetica do' 92 - Zena scûa e Zena ciæa |
Ottobre→ |
| Zena, Stabilimento di Fræ Paghen, stradda Luccoi , n. 32 - exemprâ conservao inta Libraja Naçionâ Centrâ de Romma |
A-o Musicista
G. B. Pagano.
G. B. Pagano.
Comme le bello Zena
Quando l'ë-e stradde scûe!
Se sciorte co-a Manena
Se conta de freidûe;
Ciû ninte no ve gëna
O fondo o l'é tûtt'ûn,
Comme le bella Zena
Quando no gh'é nisciûn!
Cö sô, cô giorno fæto
Se vedde mille coî;
De ninte sei ciû çerto
No seì ciû manco voî;
Ve scangia sempre a scëna
Ven ciæo quello ch'ëa brûn..,
Comme l'é bella Zena
Quando no ghe nisciûn!
Le o tempo à l'ha variabile
Comme i sò çittadin,
Se scangia de ballabile
Se scangia i ballerin;
Ma scialla Filomena
Të a fin do tò zazzûn;
Comme le bella Zena
Quando no ghe nisciün!