Lunaio Regiña 1892/Rivista profetica do' 92
| ←A-o lettô | Lunaio zeneize compilao da-o sciô Regiña & C. pe l'anno 1892 de Rivista profetica do' 92 Zenâ |
Frevâ→ |
| Zena, Stabilimento di Fræ Paghen, stradda Luccoi , n. 32 - exemprâ conservao inta Libraja Naçionâ Centrâ de Romma |
do 92
ZENÂ
Satûrno o l'offre a Venere
L'anello de spozâ,
Ma, pe no compromettise,
Quella a nö vêu aççettâ:
Resta de stûcco o Dio,
L'Olimpo o l'é stordio
Da-a gran delicatessa
Da bella prinçipessa.
2.
L'é o meize anniversaio,
E fortûnnôu da nascita
D'ûn vëgio milionaio;
Ghe và i eredi in massa
A fäghe i complimenti,
E ammiâ comme o se-a passa.
A tûtti o dâ i abbraççi
Co-a bïle chi se-o nega
E-o l'arrecchêugge i massi.
O bäxa i só parenti,
Ma in to ò chêu o ghe prega
Un masso d'aççidenti,
Preparazion da ascëta
A-o grande Çentanâ
Che tûtto o mondo aspëta
E..... o no se l'aspëtiâ!.....
Zazzûn e disciplinn-e
Pe arrûxentâ e sterlinn-e.
Ne-a concezion ardïa
De fâ ûn'Espoxizion
Che a me pä zà finïa
E a non é fæta ancón.
Dixan che fasse freido.....
E che l'é tûtto reido.