Lunaio Regiña 1892/Pe-o ritræto de Ninì
| ←Dexembre | Lunaio zeneize compilao da-o sciô Regiña & C. pe l'anno 1892 de Rivista profetica do' 92 - Pe-o ritræto de Ninì |
A Çeniëla→ |
| Zena, Stabilimento di Fræ Paghen, stradda Luccoi , n. 32 - exemprâ conservao inta Libraja Naçionâ Centrâ de Romma |
In sce ûn Albo
All'Amigo Luigi Terzàn.
Va ben, sä vëo che o segge - bello questo ritræto,
Ma perchè fâ e mävegge - se bella mi t'ho fæto?
Questo de ciæo, de scûo - impasto affortûnnôu
O pêu piaxeì seguo - ma mi no l'ho creôu.
Misso gh'aviô ûn pö d'arte - ma stagghe tûtto lì....
Do bello a mëgio parte - ti ghe l'hæ misso ti.
Mi, l'ombra cö penello - l'é o mæ o neigro de fûmme,
Tò, ûn fûrgôu pe cavello - ti, ti g'hæ misso o lûmme.