Donaver Antologia 1910/Lavate int'ro mê sangue, Amô, re moen

Da Wikivivàgna
Sata a-a navegassion Sata a-a serchia
Lavate int'ro mê sangue, Amô, re moen
de Steva de Franchi
da F. Donaver, Antologia dialettale genovese, 1910
[p. 95 modifica]
II.

Lavate int'ro mê sangue, Amô, re moen:
Fammene à pê à cavallo, à ciù no posso:
Suçça, roziggia pù ra porpa e l'osso,
Co uña famme da lôi, raggia da chen.

Int'ro çuffo ra morte zà me ten,
Ni me spaventa ro sâtâ ro fosso,
Ro mâ l'è incancario, che ciù non posso
A Minetta lasciâ de vórei ben.

Un pò de mâ dra soçça, e ro malanno
Ghe vegne à chi te ciamma Amô benigno:
Mi te ciammerò sempre Amô tiranno.

Amô sença pietæ cruo e maligno,
Che à ro mê cianze quanto longo è l'anno,
Ti me rebatti sciù ro môrro un sghigno .