Donaver Antologia 1910/L'arco e ra corda vœuggio un di bruxâ
| ←torna a-a lista di atri scriti | L'arco e ra corda vœuggio un di bruxâ de |
Lavate int'ro mê sangue, Amô, re moen→ |
| da F. Donaver, Antologia dialettale genovese, 1910 |
L'arco e ra corda vœuggio un di bruxâ,
Ri âtri arneixi, ra binda, e re saette
De quell'orbo d'Amô, perchè o me mette
A segno de doveime desperâ.
Se mi re spalle ghe vœuggio voltâ,
Minetta ven, con quattro parolette,
Un pô de boña cera, e dôe graçiette...
Semmo da cavo, e cose aggê da fâ?
Ghe veddo Amô treppâ sciù re parpelle,
Sciù ra fronte, sciù ri œuggi, e sciù i labrin,
E sgœurâghe sciù ri âtre bagattelle.
E ro mæ cœu subito o fà camin:
Sento un fœugo chi bruxa infin ra pelle,
E chi se pœu guardâ da st'assassin?