Gentilommo in mâ
| Gentilommo in mâ de , traduto da Rico Granæa |
cavo primmo→ |
- Inte ciöte de un destin strafaläio e grammo -
SCINÒSCI - Stæto pubricou do 1937, Gentilòmmo in mâ a l’é l’òpia primma do Herbert Clyde Lewis, giornalista e scrittô american, ch’o l’aiva avuo unna vitta invexendâ e curta. O lettô o l’arresta corpio da l’intenscitæ, da l’amaa ironia e da-a suspense de questo romanso curto. O Rico Preston Standish, o protagonista, partio pe un longo viægio perché o no comportava ciù a rotiña de cà e do travaggio (sposou, con doî figgi ancon piccin, o trafega co-i fondi de investimento), o scuggia in mâ d’inta nave à vapô in sciâ quæ o viægia da-e Hawaii à Panama. O libbro o conta e reaçioin do Standish, che a-o comenso o no cria à scciattapormoin pe avei aggiutto perché o l’à vergheugna do seu mòddo de fâ stondäio, e dapeu quelle di passaggê à bòrdo da nave Arabella, che solo inta seiaña se dan conto da seu assensa. Un tragico apologo in scio scarso peiso e scignificou de ciaschedun de niatri, e unna satira contra unna çerta soçietæ ch’a no l’é boña de apprexâ o benëse into quæ a l’é cresciua.