Fenizio 1788

All'arrivo a Zena dro sciabecco argerin ri 12. agosto 1788 - Sonetto
de Micrilbo Fenizio

Exemprâ conservao inta Biblioteca Universcitaia de Zena.
A traduçion in toscan do Zòrzo Tôzo l'atrovæ sciu www.academia.edu/41908914

[p. 1 modifica]

ALL'ARRIVO A ZENA
DRO SCIABECCO ARGERIN
Ri 12. Agosto 1788.
Preisa fæta au giorno avanti da due Galee
SAN ZORZO, E RAGGIA.

SONETTO.

Fortes creantur fortibus, & bonis.
Hor. O. iv. L. iv.

Evviva San Zorzo, evviva Clavarin
Figgio de Capitannio ben sciarmante,
Che ciù d'un'aota con coeu de diamante
U l'à sciacoù ra testa a ri Argerin.

Son da per tutto in remescio i Zittadin,
Ae Muraggie, a ro Mœu van all'istante:
Ghè preisa de Bandea rossa fiammante
Van dixendo fra lou Grendi, e Piccin.

Ma zà son arrivæ in bocca au Porto
Re Galee comandæ da doì Eroi,
Che i Zeneixi delungo non an torto.

O l'à pur dito ben ù Poeta Orazio
Che e Aquile non genean muè de Croi.
Ne ù valoû di Zeneixi pœù andà a spazio.

Micrilbo Fenizio.