Esopo Zeneize 1822/A Crava, e o Lô

by Martin Piaggio

←A Formigoa, e a Farfalla

Esopo Zeneize de Martin Piaggio A Crava, e o Lô

O Cöu, e a Farfalla→

Zena, Stampaja Pagan, 1822 - Primma ediçion
${\widehat {eu}}$ e ${\widehat {ou}}$ en stæti reixi con êu e ôu.

FOA V.
A Crava, e o Lô.

Un-na Crava voendo andâ
In t’un bosco a pascolâ,
A lasciò in casa serrâ
   Un-na so Figgia;

E a ghe disse in to sciortî:
A nisciun, avverti, arvî,
Chè porrieiva o Lô vegnî,
   Dunque o te piggia;

Doppo un pö, che a se n’andò,
Passô o Lô, ä porta o piccò:
Chi gh’é? a disse.... Amixi, o criò,
   Con fâ da Bæ;

Ma a Cravetta prevegnûa,
D’arvî a porta a no se cûa,
A l’aguaita^[sic] dä fissûa
   Per cûxitæ;

E lì a vedde o Lô chi ammîa,
A tremava un pö dä puîa,
Ma a ghe disse: « Lô, va vîa,
   Che ti ê scoverto. »

Alloa o Lô (rispose): Brava!
Questa chi no l’aspettava;
Vaddo, ma t’aspêto, Crava,
   In to deserto.

Eive chi cose vêu dî,
Bælle Figgie, d’eseguî.
Cose dixe so Mammà:
Chi obbedisce mâ no fà,
Se a Cravetta a-o Lô a l'arviva,
Povea lê! o se a mangia viva.