Documenti in vorgâ de l'Ofiççio de Sanzorzo e de so colonnie d'oriente/371

↑torna a-a lista di atri scriti

Documenti in vorgâ de l'Ofiççio de Sanzorzo e de so colonnie d'oriente a cua de P. Amedeo Vigna Doc. CCCLXXI - 23 zen. 1458 - Pe 'na nœuva tascia a Scio pe finançiâ a difeiza de Metelin.

Negot gest. off. s. Georg, ann. 1457-1459 - fol. 41 (ed. into Codexo Diplomatico de Colonnie Taoro-Ligure, Atti da Societæ Ligure de Stoia Pattria, VI, 1868)
in corscivo paole latin-e, toscan-e e grafemi toscanizanti; tra parentexi quaddre e lettie da azonze, tra parentexi tonde quelle da esponze; azonto maiuscole e diacritichi.

diti sum staeti tanto damnificae che ello intende manifestamenti non poei piu resiste a la possanza de li dicti Turchi sensa adjutorio nostro o de altra segnoria. Et per questo ha riquesto cum grande instantia che piaxa a la republica nostra, da la qua li soi precessoi han havuo origine, et de la qua dixe che vole semper esser figlio et servitor, o de interprende la protection et defensione sua, o se ella recusasse, darghe responsion, perciochè in questo caxo ghe sereiva necessario sotometese a qualche altra segnoria et pensâ de suo scampo. Havue queste lettere fo faeto consegio in palaxo de monti citain, et deliberao che tocando tanto la salvation de Metelin a questa Republica, et attento che pocho concepto se porreiva piu fa de Sio et de le altre terre nostre de lo levante, se Metelin pervegnisse in man de Turchi o de quella segnoria a la qua lo dicto segnor cerchereiva de arembase, semper che ello intendese esse da noi destituio, lo nostro officio de Metelin insieme cum lo magnifico officio de Sanzorzo de lo anno passao [...] havese bailia et cura de provei a la defension et salvation de la dicta insula de Metelin, soto quelle vie et forme judicasemo insieme essere meno damnose.

Noi aduncha seando staeti monte vote inseme cum lo dicto magnifico officio super questa materia, za monti iorni fa hamo respozo a lo dicto segnor de Metelin che ello se conforte et intenda che non semo per abandonarlo, et che dentro da pochi meixi ello vederà le provisoin nostre. Ma habiando argumentato asai in tute le forme de le provisoin, finalmenti a lo dicto magnifico Officio et noi e parsuo che, attento lo stao et condiction de la nostra citae, non se possa al presente fa altro cha quello [che] diremo inferius. Soè inter noi se è vensuo che se eleza doi de li piu prestanti mahone[i]si et doi de li piu prestanti citain [che] seam a Sio, et a quelli se cometa et daga bailia de poei provei a lo dicto segnor de Metelin de compagnoin usque in numero de ccc secundo che intenderan essere necessario a la defension de lo dicto segnor, a lo qua se sforzem cum tute le arte et ingenio de fa pagà quella parte de lo stipendio de li dicti compagnoin la qua elli intenderan che o possa pagâ, vel saltem se fose in grao de non poei pagâ, prendan obligation et assegnation de le sue rendie. Et per recoverà quelli dinae [che] seran necessarij a la dicta speiza, se daga amplissima balia a li dicti quatro, chi se den eleze, de imponne a Sio sum la mercantia tanto dricto solamenti quantum basterà a la dicta speiza soto quelle vie et forme [che] elli judicheran essere men damnose.

Ma perciochè porreiva umbrâ [che] quelli deveran acatâ lo dicto dricto li decreti de le compere, per virtute de li quae non se po fa alchuna nova imposition de dricto, a noi è parsuo utile requerî che voi segnoi partecipi seae convocae in questo loco. Et per questo ve preghemo cum grande in- stantia che aciochè lo dicto novo dricto sea venduo cum piu favô et major prexio, per ben universâ de tuta la Republica ve piaxa deliberâ de consentî la imposition de lo dicto dricto lo qua se debia colligere a Sio, et lo qua se debia convertî in lo adjutorio de lo dicto segnor de Metelin ut supra et non in alchun altro uso, per schivare li grandi perighi de li quae havemo facto mention de sopra.