De Franchi Comeddie 1781/Re furbarie de Monodda/III12
| ←Scena XI | Re furbarie de Monodda de Atto III - Scena XII |
Scena XIII→ |
| a m co-a tirde a l'é stæta reiza co-a doggia m (mm) |
Argante, Geronzio, Leandro, Ottavio, Giaçintiña, Florinda, Tiburçio.
Lean. Pappà non ve lamentæ, se son innamoraò d’uña, da quæ non se sà a sò nascita, e a sò condizion, e sença ben de fortuña. Quelli mæximi da i quæ l’ho rescattâ, m’han scoværto, e asseguraò, che a l'è de Zena proprio, de civili, e onesti Parenti, e che l’han arrobâ all’etæ de quattr’anni; E per segno m’han dæto questo braççaletto che ve porrà agiuttâ a scrovî, de chì a l’è Figgia.
Arg. Ahimè! questo braççaletto è o mæ. Quest’è mæ Figgia! Giusto comme ti hæ dito de quattr’anni a m’è stæta arrobâ.
Ger. Vostra Figgia?
Arg. Scì, scì; non ghe n’è dubbio, veddo tutte e fattezze de sò moære. Ah cara Figgia.
Giaç. O oh! guardæ un poco che caxi straordinarj se dan a o mondo!