Sâta a-o contegnûo

Ciaravalle 1834/Sciaradda71

Da Wikivivàgna
Ciaravalle zeneize pe l'anno 1834 de Martin Piaggio
Sciaradda

[p. 71 modifica]

SCIARADDA.

Fasso o primmo per diffeisa,
Pe andâ a caccia, o per offeisa;

Çerco l'atro per piggiâ
Moæ, Poæ, e figgi da mangiâ;

O mæ terzo o l'è savoïo,
Dunque o diggo all'erudïo;

Se fa ao mondo gran figûa
Pe-o mæ quarto, se a natûa
A n'hà in grande favorïo;

Un avverbio l'è o me tutto,
Che in famiggia o porta paxe,
Che in orchestra sempre o piaxe,
Anzi o piaxe da per tutto.