Sâta a-o contegnûo

Ciaravalle 1834/Cabala90

Da Wikivivàgna
Ciaravalle zeneize pe l'anno 1834 de Martin Piaggio
Cabala
[p. 90 modifica]
Cabala.

S'ecclissa a lun-na!
Vostra fortun-na !
Ecco a risorsa
Pè impîve a borsa.

O primmo e l'ultimo,
E fra i binelli
I treì ciù belli.

Tiæ fêua l'oroscopo
In Çê trovæli;
Son nell'Ecclittica
Veì-là piggiæli,
Presto zughæli
Che ghe guagnieì,
Coscì porrieì
Fâ e Feste allegre,
E ammenestrâ,
Secondo o solito,
In fæti e in voxe,
Dinæ da noxe
A tutt'andâ;
Che mi fratanto
Per compî l'opera
Ve vêuggio dâ.

[p. 91 modifica]

Vortando a pagina
Ghe trovieì scrito,
In stile magico,
O gran segretto
Per vegnî fito
Un Cabalista
O ciù perfetto;
Che l'è ben giusto
Che ve regalle,
Dopo aveì letto
E tante balle
Do Ciaravalle.