Cava in to remoin 1930/VÊGIA SAVONN-A
| ←E stelle do mae chêu | In to remoin de Vêgia Savonn-a |
A-a punta da Mainetta→ |
VÊGIA SAVONN-A
Stradde streite, caröggetti,
corde teize co-e bûghae,
in sce porte a fâ pacchetti[1]
stavan sempre de comae
Bûtteghette mâ guernïe
con di odôi da indovinâ
se vegnivan da-e sganzïe
o da ö smêuggio baccalà.[2]
De marmagge in camixetta,[3]
sempre pronte a futte ö can,
se ö meicädo dö Tregetta[4]
o spuntava da lontan.
quaexi sparïa,
no gh'é 'na prïa
che n'agge in chêu,
di giorni belli,
di cäi castelli
In sce ö Fosso gran gazzea,
corpi secchi de scurriâ,
carossê con furba ciaea
pronti a-a bûrla e a traccannâ.
Procescioin de beciancilli[5]
pe via Pia, pe-i Casciae,
gazzi, scialli, gran mandilli,[6]
scarpe grosse e ben ferrae.
Ambulanti co-i caretti
pin de frûti da stagion,
che sbraggiavan, poveretti,
da remettighe ûn pormon.
ö chêu sospia
quell'allegria
che no gh'é ciû,
a-i giorni belli,
a-i cäi castelli
Gössi a lobbia da-a Scaletta
a-a domenega amarrae,
barcaiêu co-a sêu pippetta
sempre imbösa, assêunneggiae.[7]
Da-a vëgia arboa di banchetti[8]
con de nëgie, dö torron,
caraffinn-e de sciorbetti,
d'aegua fresca cö limon.
Sartimbanchi, bûsciolotti,
organetti, ramaden,
gente all'orsa da-i gran gotti
e poi... canti a-o çê seren.
meza sparïa,
ogni têu prïa
m'é cheita chí,
proprio chí drento
dove i castelli
di giorni belli
- ↑ Pacchetti: pettegolezzi.
- ↑ Smêuggio: ammollito.
- ↑ Marmagge: marmaglie.
- ↑ Meicädo: cilindro - Tregetta: guardia urbana; in genovese: cantone.
- ↑ Beciancilli: zotici, contadini.
- ↑ Gazzi: berrette rosse di lana ancor oggi in uso nelle campagne e fra i pescatori.
- ↑ Imbösa: arrovesciata.
- ↑ Vëgia arboa: un colossale platano centenario poi abbattuto che dava il nome allo spiazzo vicino alla fortezza ove convenivano le baracche dei saltimbanchi e i carretti ambulanti di dolciumi e frutta.