Cava in to remoin 1930/A PENN-A DÖ TAGGIÖN

by Gioxeppe Cava

←E figge d'Arbissêua

In to remoin de Gioxeppe Cava A penn-a dö taggiön

Ö mûzou e-a gritta→

A PENN-A DÖ TAGGIÖN

Trei ratti s'ëan cacciae in t'ûn förmaggio, –
'na forma de stravëgio parmexan, –
e a rezûggiâ s'ëan missi con coraggio –^[1]
comme se a famme avessan d'ûn villan.

Senza saveî ûnn'A d'inzegneria,
sensa dö minatò conosce l'arte,
co-i denti t'han scavôu 'na galleria,
che a förma trapassava parte a parte.

Ö förmaggiâ, però, ûn bello giörno
o l'ha scoverto a cösa e l'ha pensôu
quell'inzegnê levaseli d'attörno
e ûn rattaiêu in t'ûn canto o l'ha tesôu.^[2]

1. Rezûggiâ: rosicchiare.
2. Rattaiêu: trappola - tesôu: teso, posto.