A sanfornia zeneize 1852/Parolle plebee
| ←Brindixi improvvisôu | A sanfornia zeneize de Parolle plebee |
A-a Sciä Adelinn-a Roscetti→ |
| Zena, stampaja Frugon, Exemprâ conservao inta Biblioteca Universcitaia de Zena. |
PAROLLE PLEBEE
O Conte N. passando da un libbrâ
O vedde in mostra un bello Calepin,
O-o negozia, o l'accatta, e o fa portâ
Fito in casa a so figgio Nicolin.
Tûtto allegro o figgiêu se mette a giâ
Sûbito e carte da-o prinçipio ä fin,
O se mette pe leze, ma ghe pâ
De trovâghe di schêuggi ogni pittin.
Torna o Conte: Ti hæ letto? Oh scì, Pappà,
Non intendo però çerte parolle:
Senno, virtù, fatica, umanità,
Cose vêuan dî?... - Nö so, ma comme penso,
Saan voxi da plebaja, voxi sciolle,
Voxi che in quanto a noî non han de senso.