A sanfornia zeneize 1852/Monsû Roux
| ←Pe unn'atra Messa Nêuva | A sanfornia zeneize de Monsû Roux |
Contro un grammo Poëta→ |
| Zena, stampaja Frugon, Exemprâ conservao inta Biblioteca Universcitaia de Zena. |
MONSU ROUX
Sunetto
Quello tale Françeize decantôu
Pe-a forza straordinaja, sorprendente,
E che i bûlli de Zena o l'ha cacciôu
Tûtti pe tæra vergognosamente;
Da modesto ûnn-a votta o s'è vantôu
Che s'o ceiga o so brasso onnipotente,
Barbasciûscia! nisciûn s'è mai trovôu
Chi vante a forza d'acciantâghe un dente.
Mi che çerte spaccate stramballæ
No e posso tollerâ, g'ho dito sccetto:
Sciö Françeise, a me paeì voi stralabbiæ!
Vegnî a Päxo con mì, che ghe scommetto
De trovâve un Procuôu che in due dentæ
O v'addenta, o ve mangia, o ve fa zetto.