A sanfornia zeneize 1852/Epigrammi/Botta e Risposta
| ←O Giûdiçe disturbôu | A sanfornia zeneize de Epigrammi - Botta e Risposta |
| Zena, stampaja Frugon, Exemprâ conservao inta Biblioteca Universcitaia de Zena. |
Botta e Risposta.
O Sciô Ernesto, ommo ricco e chi creddeiva
D'aveì co-i so dinæ
O drito de bûrlâ quelli ch'o voeiva,
Veddendo ûnn-a mattin
Passâ un Mego de sotto a-i so barcoîn:
Bon giorno, Magniscarco, e dove andæ
Coscì presto, o ghe disse, e de premmûa?
O Magnifico pronto in rebattûa
Ghe rispose: Ho sentïo che scià l'ha mâ,
O-o vegnivo a cûrâ.