A sanfornia zeneize 1852/Dedica
| A sanfornia zeneize de Dedica |
Prefazion→ |
| Zena, stampaja Frugon, Exemprâ conservao inta Biblioteca Universcitaia de Zena. |
A FRANÇESCO ROSCI
Son træ nêutte che a testa me lambicco
Inutilmente pe trovâ un soggetto,
Chi porte un nomme de mediocre spicco,
Da poeìghe dedicâ questo Libretto.
Se l'intitolo a un Nobile buricco,
De Coddin me dan subito o brevetto,
Pezo che pezo se l'intesto a un ricco,
Diàn che o fasso pe-a göa do regalletto.
Ciù che a pasta, che a guæra odio i Coddin,
Dinæ da-i ricchi no n'ho mai piggiôu,
No me vendo quantunque fradellin;
Coscì per evitâ d' se giasciôu,
Stimmo ben dedicâlo a ti, Checchin,
Poëta, amigo, e comme mi spiantôu.