A sanfornia zeneize 1852/Brindixi improvvisôu
| ←A S. Antogno Abate | A sanfornia zeneize de Brindixi improvvisôu |
Parolle plebee→ |
| Zena, stampaja Frugon, Exemprâ conservao inta Biblioteca Universcitaia de Zena. |
BRINDIXI IMPROVVISOU
Memorabile seja! — Ah se ogni votta
Che appartoisce a moggê de mæ Cuxin,
S'ha da fâ pe allegressa ûnn-a ribotta
Con torta a sguasso, con micchette e vin;
Scialla! a rëo quanti seì grandi e piccin,
Famosi Atleti ne-a tortesca lotta,
Tûtti sbraggiæ: ma viva o Beppinin,
Ma viva sempre a Puerpera marotta!
Che mi intanto, onde posse sta sejann-a
Nêuvamente e ciù bella comparî
Da vedde cianze o fiasco e a damixann-a,
Prego o Segnô ch'a l'agge d'appartoî
Per lo meno træ votte ä settemann-a,
E che magara a i faççe a dui a duî.