A sanfornia zeneize 1852/A S. Antogno Abate
| ←Contro un grammo Poëta | A sanfornia zeneize de A S. Antogno Abate |
Brindixi improvvisôu → |
| Zena, stampaja Frugon, Exemprâ conservao inta Biblioteca Universcitaia de Zena. Inta segonda ediçion do 1863 gh'é scrito che sto sunetto chì a-o Cazassa gh'é costao a sexîa da primma ediçion, 100 lie de murta e 6 giorni de prexon. Purtroppo poi l'han lasciao sciortî... (G. Musso) |
A S. ANTOGNO ABATE
O Sant'Antogno, Santo Protettô
Di cavalli, di axi e di animæ,
Voî che a tutti, pregôu, de grazie fæ,
Ve preghieivo a concedime un favô.
Mi g'ho un buricco chi è o ciù gran brûttô
De tûtti quanti i axi da Çittæ,
Testardo o tïa di cäsci, o dà dentæ,
O rägna, o no vêu andâ, o fa o bell'ûmô.
Santo cäo, se savesci? a tentazion
M'è vegnûo zà ciù votte d'ammassäo,
Con fóttilo zù abbasso d'un bastion;
Ma se l'ammasso mi, diàn che m'ho tente
E moen d'un aze, oibò! voi, Santo cäo,
Fæme a caitæ, mandæghe un aççidente.
Ciammo immediatamente
O Maxin, ch'o se o porte a sotterrâ,
Coscì allöa terminiö de giastemmâ,
Nö sentiö ciû ragnâ,
Nè doviö pe un brûttô seja e mattin
Rattellâ, fâ de botte co-i Vexin.
Bello Sant'Antognin,
Se a grazia che domando m'accordæ,
Ve regallo e so c[ugge] imbalsamæ.