A sanfornia zeneize 1852/A ûnn-a Spozâ
| ←A-a Sciä Adelinn-a Roscetti | A sanfornia zeneize de A ûnn-a Spozâ |
Pe un Sposalizio→ |
| Zena, stampaja Frugon, Exemprâ conservao inta Biblioteca Universcitaia de Zena. |
A UNN-A SPOZA’
Cose son sti sospii, questo tremmÂ,
Queste lägrime scagge de diamanti,
Che ve veddo da-i êuggi zù stissâ
Con scandalo de tûtti i circostanti?
Coraggio, allon! belliscima Spozâ,
Ne-a battaggia d'amô mostræve avanti,
No veddeì che per poeìve abberrûffâ
O vostro Ninno s'ha zà træto i guanti?
Presto, via che diman quando ne-o Çê
Spuntiä ciù bello nêuvamente o Sô,
E voî stanca posieì sorva l'oeggê,
Languida a-i êuggi, pallidetta a-o cô,
Dieì, Rozinn-a, se son tinte d'amê,
O de têuscego e frecce dell'Amô.