A sanfornia zeneize 1852/A-a Sciä Adelinn-a Roscetti

A sanfornia zeneize de Gioanin Cazassa
A-a Sciä Adelinn-a Roscetti

Zena, stampaja Frugon, Exemprâ conservao inta Biblioteca Universcitaia de Zena.

IN LODE DA PRIMMA DONNA
Sciâ
ADELINN-A ROSCETTI

Sunetto

Mottin d'öu, pestûmmin, bella masccinn-a,
Reixe, vitta e sospïo de çento coêu,
Quando ti canti dimme un pö, Adelinn-a,
Ti g'hæ miga in ta göa di roscignêu?

Che gorghezzi! che trilli! che argentinn-a
Voxe! che bello fâ! digghe chi vêu,
Questa a l'è roba angelica, divinn-a,
Chè da-i ommi fâ tanto no se pêu.

Brava Roscetti! ma ciù brava allöa
Quando in delirio do to Amante priva
Ti rappresenti a misera Leonöa.

Ah! quello » Sono giovine giuliva,
Cantôu con tanta grazia o l'innamöa
Tanto che a dîlo a penna no gh'arriva.

Brava! strabrava! evviva
Onô de Zena! ti fæ vedde quanto
Progredisce ne-a Patria a Scheua de canto (*).